KURONDERA
Ikirŭndi kū ngurukanabumenyi


Reka ngende i Burundi ma
Iyo Imana yavuye

Reka ngende i Burundi ma
Iyo bavyara bagaheka

Reka ngende i Burundi ma
Iyo bagwiza umuryango

Reka ngende i Burundi ma
Iyo bahoza ibibondo

Reka ngende i Burundi ma
Iyo basangira twose

Reka ngende iyo bavuze
Iyo basangira ijambo

Reka ngende iyo bavuze
Iyo basangira ingingo

Wogenda
Niwadukumbura uzoza
Niwadukumbura uzogaruka
Mama reka ngende

Reka ngende i Burundi ma
Ndahasanga umuryango

Umukobwa akura iyo aroye
Ni yo amenyera amabanga
Umukobwa ntagira urugo
Ngo ni incuti yo ku nzira
Umukobwa ntavuza uruhwa
Ngo aba asema umuryango
Umukobwa iyo acikiye
Ngo aba acikije ijambo

Oya mama siko bimeze
Umukobwa nyene ikigega
Urugo ni urw'umwigeme
Ni we abika akabanga

Wogenda
Niwadukumbura uzoza
Niwadukumbura uzogaruka
Mama reka ngende

Umwigeme ni nyene urugo
Ni we avyara agaheka

Umwigeme ni nyene urugo
Ni we yonsa agaheka

Umwigeme ni nyene urugo
Ni we asenya akavoma

Umwigeme ni nyene urugo
Ni we asya agacumba

Umwigeme ni nyene urugo
Ni we asoroma akarondera

Umwigeme ni nyene urugo
Ni we ahoza ikibondo

Umwigeme ni nyene urugo
Ni we abika amabanga

Wogenda
Niwadukumbura uzoza
Niwadukumbura uzogaruka
Mama reka ngende


Guhoza umwana
Reka ngende i Burundi, iyo bahoza ibibondo
Claire Rushatsi

INDIRIMBO ZO HIRYA NO HINO

INDIRIMBO ZO HIRYA NO HINO

Agahogo k'Abarundi
Indirimbo zo mu Rwanda (Inyarwanda)
Indirimbo zo muri Tanzania (Bongo Flava)
Izindi ndirimbo
*Lyrics = Amajambo y'indirimbo
Kurondera indirimbo

Mu kurondera indirimbo canke umuririmvyi rukana, wandika ijambo wibaza ko riri mu mutwe w'indirimbo urondera canke izina ry'umuririmvyi aho handitse «Rondera indirimbo ....», hanyuma ugaca ufyonda ku kamenyetso ko kurondera.

ITEGEREZE NEZA

Mu kurondera si ngombwa ngo wandike ijambo ryose. Urashobora kwandika agace (itsitso) kari mw'ijambo urondera.

Akarorero: Nk'ubu ushatse kurondera indirimbo zerekeye ijambo umukobwa, ha kwandika umukobwa andika gusa kobwa, duca tukurondera indirimbo zirimwo umukobwa, abakobwa, bakobwa, mukobwa, ... ⇒ Mukobwa ndagowe, Gakoni k'abakobwa, Bakobwa b'i Kigali, ...

KARISHA UBWENGE ni igice twahariye ibibazo bitandukanye vyerekeye ikirundi canke Uburundi.
ABARI KU MURONGO

Muri aka kanya, hari abantu 68 ku murongo.

NI GIHE KI?
UTC (GMT)
Gitega
Brisbane

Bukêbuké bukomeza igihonyi

Abarundi barayamaze bati: "Bukêbuké bukomeza igihonyi" kandi ngo "Uwutárahera aba arahékenya".

Turacari mu bikorwa vyo gutunganya «IKIRUNDI KU NGURUKANABUMENYI» twongera dutororokanya ivyigwa, imigenzo, imigani, n'ibindi vyinshi bijanye n'ikirundi, Abarundi n'Uburundi.

Si igikorwa coroshe cane! Kubw'iyo mpamvu hariho vyinshi tutarashira ng'aha ku ngurukanabumenyi.

Muraheza mutwihanganire! Bukebuke bukomeza igihonyi, mu misi ya vuba bizoba vyabashikiriye.


Tuboneyeho kano kanya ngo tugusabe niba hari amakos(h)a wabonye canke hari ibintu vyerekeye ikirundi, Uburundi canke Abarundi woba wipfuza ko twoshirako (indirimbo, n'ibindi), utwandikire ikete muravyo kuri: info@ikirundi.org canke uduhamagare canke uturungikire ubutumwa ukoresheje WhatsApp: +61469365309.
2023 Ikirundi ku ngurukanabumenyi
        Guterera umugambi w'ikirundi ku ngurukanabumenyi
Fyonda kuri ako kamenyetso   tukubwire uburyo ushobora guterera uyu mugambi w'ikirundi ku ngurukanabumenyi.

Rindira gato...